Jahon Kubogida muvaffaqiyatli ishtirok etgan sambochilarimiz tantanali kutib olindi + FOTO

Ushbu musobaqada o'zbekistonlik sambochilar muvaffaqiyatli ishtirok etib, 2 ta oltin, 6 ta kumush va 1 ta bronza medalini qo'lga kiritishdi. 

Bugun tongda ushbu musobaqada qatnashgan sambochilarimiz yurtimizga qaytib kelishdi. Ular Islom Karimov nomidagi Toshkent xalqaro aeroportida tantanali ravishda kutib olindi. Kutib olish marosimida O'zbekiston Respublikasi Jismoniy tarbiya va sport vazirligi hamda O'zbekiston sambo associaciyasi mutasaddilari, OAV xodimlari, sportchilarimizning yaqinlari va muxlislar ishtirok etishdi.

O'zbekiston sambo associaciyasi fursatdan foydalanib, ushbu musobaqada ishtirok etish uchun imkoniyat yaratib bergan O'zbekiston Respublikasi Jismoniy tarbiya va sport vazirligi, shuningdek terma jamoa liboslari masalasida o'z yordamini ayamagan O'zbekiston MMA associaciyasiga minnatdorchilik bildiradi.

O'zbekiston sambo associaciyasi matbuot xizmati