Jahongir Qoraboev: "Jamoamizning ishtirokidan ko'nglim to'ldi"

Bahslar yakunlangach jangovor sambo bo'yicha terma jamoa bosh murabbiyi Jahongir Qoraboev shogirdlarining ishtiroki haqidagi fikrlari bilan o'rtoqlashdi.

“CHempionatga tayyorgarlik yaxshi bo'ldi. Har bir sportchimizning shaxsiy murabbiyiga minnatdorchilik bildiraman. 95% mehnatni shu insonlar qilishgan, qolgan 5% bizniki. Bugungi finaldan 3 ta oltin kutayotgan edik. Faqat bitta oltin medal bo'ldi, nasib qilmagan ekan. Kelasi safar yanada ko'proq harakat qilamiz. Jamoamizning ishtirokidan ko'nglim 90% to'ldi. Yana mehnat qilamiz, ishlaymiz. -88 kg vazndagi Sohibjon Hasanboev biroz yoshlik qildi. Endigina 21 yoshga kirgan yigit. Raqibi - rossiyalik sportchi tajribali edi. Hasanboevning tajribasi etarli bo'lmagani uchun hisobda oldinda borayotgan vaqtda yutqazib qo'ydi. Biz o'z ustimizda ishlashda davom etamiz, harakatdan to'xtamaymiz", - dedi Qoraboev.

Sarvinoz Raxmonqulova yozib oldi