Jahonning birinchi raketkasi Novak Jokovich 32 yoshda!

SHu boisdan tennis yulduzini faoliyatiga nazar solib o'tamiz.

Novak Jokovich 1987 yil 22 mayda Serbiyaning Belgrad shahrida tug'ilgan. Bo'lajak chempion tennis bilan to'rt yoshidan boshlab shug'ullanishni boshlagan. Novak professional faoliyatini 2003 yildan boshlagan. Umumiy hisobda 74 ta ATP turnirida zafar quchgan. Faoliyati davomida musobaqadagi ishtirokidan jami 131,040,932 AQSH dollardan ortiq mablag' ishlab topgan. SHuningdek, Jokovichda «Katta dubulg'a» turnirlarida yutilgan o'n beshta sovrin: Australian Open (2008, 2011-2013, 2015, 2016 va 2019), Uimbldon (2011, 2014, 2015 va 2018), US Open  (2011, 2015 va 2018) va «Rolan Garros»-2016 g'olibligi bor. Novak barcha «Katta dubulg'a» turnirlarida yutgan tennischilardan biri sifatida tarixga kirgan. 

Jokovich 2011 yilning iyul oyida birinchi marta ATP reytingining karvonboshisiga aylangan. Novak Serbiya libosida ham bir qator natijalarga erishgan. Misol uchun, Jokovich terma jamoasi bilan 2010 yilda «Devis kubogi»da zafar quchgan. 2008 yilda esa Pekin olimpiadasida bronza medalni qo'lga kiritgan. 2014 yilning 11 iyulida Novak sevgilisi Elena Ristichga uylanadi. Yosh oila shu yilning oktyabr oyida farzandlik bo'lishadi va chaqaloqqa Stefan deb ism qo'yishadi. 2017 yilning sentyabr oyida Jokovichlar oilasi yana bir kishiga ko'payishadi. Serbiyalik tennischi bo'sh vaqtlarida kitob o'qishni va gitara chalishni yoqtiradi.