03 okt 11:48
Yangiliklar

Tennis

Jarohat olgan Istomin ikkinchi uchrashuvini o'tkazdi

Mamlakatimizning birinchi raketkasi Denis Istomin Nur-Sultan shahrida o'tkazilayotgan "CHellenjer" turkumiga kiruvchi turnirning yakkalik bahslaridagi ikkinchi uchrashuvida kortga chiqdi.

Hamyurtimiz nimchorak final uchrashuvida belgiyalik Ruben Bemelmansga qarshi bahs olib bordi. Birinchi set 6:4 hisobida Ruben foydasiga hal bo'ldi. Ikkinchi setda 4:2 hisobida g'alaba qozonayotgan Denis kutilmaganda oyog'idan jarohat oldi. Bu esa o'yin natijasiga tasir o'tkazmay qolmadi.

Ikkinchi set tay-brekka qadar etib bordi. Hisob raqib foydasiga 1:4 bo'lib turgan bir paytda Istomin kurashni davom ettira olmasligini malum qildi va natijada Bemelmans chorak finalga yo'l oldi.

Taqqoslash uchun, Istomin ayni paytda jahon reytingida 164, Bemelmans esa 225-o'rinni egallab turgandi. Tennischilar bugungi uchrashuvga qadar o'zaro ikki bor to'qnash kelishgan va bittadan g'alabaga erishishgan edi.