Jasmina Immaeva bronza medali uchun gilamga chiqadi

Bugun musobaqaning uchinchi kuni erkin va ayollar kurashi bo'yicha medallar uchun bellashuvlar o'tkazilyapti. O'zbekiston chempioni Jasmina Immaeva (50 kg) birozdan so'ng bronza medali uchun gilamga chiqadi. Uning raqibasi bolgariyalik Miglena Selishka bo'ladi. 

Immaeva 1/8 finalda qozog'istonlik Aygul Nuralimni 12-2, 1/4 finalda esa rossiyalik Nadejda Sokolovani 5-4 hisobida engdi. Yarim finalda esa yana bir rus kurashchisi Polina Lukinaga 11-20 hisobida imkoniyatni boy berib qo'ydi.  

Afsuski, Aktenge Keunimjaeva (53 kg) bronza medali yo'lidagi o'tish bellashuvida hindistonlik Puja Gehlotga yutqazib, musobaqadagi ishtirokini yakunladi. Aktenge avvaliga qozog'istonlik Assilzat Sagimbaydan ustun kelgandi. Keyin esa chorak finalda mo'g'uliston vakilasi Bolortuya Bat Ochirdan engildi.