Jizzaxda “Besh tashabbus olimpiadasi”ning viloyat bosqichlari o'tkazildi

O'zbekiston Respublikasi Prezidentining 2022-yil 19-yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari to'g'risida”gi PQ–92-son hamda 2022-yil 11-apreldagi “Mahallalarda yoshlarni ommaviy sportga jalb qilishni yangi bosqichga olib chiqish chora-tadbirlari to'g'risida”gi PQ–201-son qarorlarida belgilab berilgan vazifalarning ijrosini taminlash maqsadida tumanlarda g'olib ishtirokchi va jamoalar o'rtasida “Besh tashabbus olimpiadasi” ommaviy sport musobaqalarining viloyat bosqichi bo'lib o'tdi.

Jizzax olimpiya va paralimpiya zaxiralari sport kollejida “Stritbol” sport musobaqasining viloyat bosqichida 13 ta tuman (shahar)lardan kelgan erkaklar va qizlar jamoalari bellashdilar.

Musobaqa natijalariga ko'ra “Stritbol” sport musobaqasining viloyat bosqichi g'oliblari aniqlandi.

Erkaklar o'rtasida:

1-o'rin 16-21 yosh toifasida: Paxtakor tumani “Suvonobod” mahalla yoshlari,

2-o'rin 22-26 yosh toifasida: SHarof Rashidov tumani “Jizzaxlik” mahalla yoshlari,

3-o'rin 27-30 yosh toifasida: SHarof Rashidov tumani “Qo'shko'prik” mahalla yoshlari egalladi.

Ayollar o'rtasida:

1-o'rin 16-21 yosh toifasida: Jizzax shahar “Qaliya” mahalla yoshlari,

2-o'rin 22-26 yosh toifasida: G'allaorol tumani “Samarqand” mahalla yoshlari,

3-o'rin 27-30 yosh toifasida: G'allaorol tumani “Ko'kgumbaz” mahalla yoshlari egalladi.

Birinchi o'rinni egallagan jamoalar “Besh tashabbus olimpiadasi” “Stritbol” sport musobaqasining Respublika bosqichiga yo'llanmani qo'lga kiritishdi.