Jo Rogan UFC og'ir divizionining qutqaruvchisini aytdi

Ammo Jo Rogan tashkilot kurash bo'yicha Olimpiya chempioni, joriy yilda yakkakurashlar olamida o'zini yorqin namoyon etgan Geybl Stivson bilan shartnoma imzolaganida barchasi o'zgarishiga ishonadi.

"Geybl Stivson o'sha yigit. Divizionni qutqarishi mumkin bo'lgan haloskor. U hali UFC’da ham emas. Olimpiya chempioni, aql bovar qilmaydigan atlet, 250 funt (113 kg), mushuk kabi harakat qiladi. U - o'sha. Geyblning so'nggi jangi videosini Dan Uaytga yubordim. Unga "bu yigit kelganida hammasi tugaydi", deb yozdim.

U raqibini chap xuk zarbasi bilan nokautga uchratdi, keyin esa allaqachon o'chirilgan odamni teykdaun qildi. Bu shunchaki aqldan ozish. Bu yigitning tezligi aql bovar qilmas darajada. Birinchidan, u allaqachon yaxshi boksga ega, garchi u zarba berishni atigi bir yil mashq qilgan bo'lsa-da. Bunday tezlik og'ir vaznlilar uchun aqlsizlikdir", - dedi UFC sharhlovchisi.

Malumot uchun, Tokio-2020 Olimpiadasining erkin kurash bo'yicha chempioni, 25 yoshli Geybl Stivson shu yilning sentyabr oyida aralash yakkakurashlarda debyutini muvaffaqiyatli o'tkazgandi. U LFA 217 turnirida Breden Petersonni bir yarim daqiqada nokautga uchratgandi. Ikki hafta oldin esa APFC ligasida Kevin Xeynni mag'lub etish uchun 24 soniya vaqt sarfladi.

Oktyabr oyida Jon Jonsning shogirdi bo'lgan amerikalik og'ir vaznli Stivson Dirty Boxing ligasi turnirida Billi Svonsonni 15 soniyada nokautga uchratib, gibrid qoidalar bo'yicha janglarda muvaffaqiyatli debyut qildi.