10 iyu 21:16
Yangiliklar

Tennis

Jokovich ishtirokidagi "Uimbldon" turnirining final bahsi yakunlandi

Londonda ikki hafta davom etgan "Katta Dubulg'a" turkumiga kiruvchi "Uimbldon" turniri ham tarix sahifalaridan joy oldi.

Hozirgina serbiyalik Novak Jokovich hamda avstraliyalik Nik Kirgios o'rtasidagi hal qiluvchi final uchrashuvi nihoyasiga etdi. Uch soatu 4 daqiqa davom etgan bahsda dunyoning uchinchi raketkasi bo'lib turgan Novak ATP reytingida roppa-rosa 40-pog'onada borayotgan Nikni 4/6, 6/3, 6/4, 7/6(3) hisobida mag'lubiyatga uchratdi.

Uchrashuv davomida Jokovich 15, Kirgios esa 30 ta eys zarbasini amalga oshirgan. Har ikkala tennis yulduzi ham 7 tadan qo'shxatoga yo'l qo'yishdi. Tennischilarning o'zaro uchrashuvlaridagi hisob qisqardi - 1:2.