Jokovich Parij "Masters" yarim finalchisi

Sayyoramizning birinchi raketkasi Novak Jokovich Rolex Paris Masters turnirining yarim finaliga yo'l oldi. Serbiyalik tennis yulduzi 74 daqiqa davom etgan chorak final uchrashuvida reytingning 26-pog'onasidan joy olgan amerikalik Teylor Fritcni mag'lubiyatga uchratdi - 6/4, 6/3.

Novak bahs davomida 8 ta, Teylor esa 5 ta eys zarbasini ijro etdi. Tennischilarning o'zaro uchrashuvlarida Jokovich hisobni yanada yiriklashtirdi - 5:0. Endi Novak Jokovich final chiptasi uchun polshalik Xubert Gurkachga qarshi kortga chiqadi.