18 may 15:39
Yangiliklar

Tennis

Jokovich Rim "Masters" turniri yarim finaliga chiqdi

Italiya poytaxti Rim shahrida o'tkazilayotgan "Masters" seriyasiga kiruvchi nufuzli turnir o'zining hal qiluvchi pallasiga kirdi.

Dunyoning birinchi raketkasi Novak Jokovich Internazionali BNL d'Italia musobaqasining yarim final chiptasini qo'lga kiritdi. Serbiyalik tennischi chorak final bahsida reytingning to'qqizinchi pog'onasida borayotgan argentinalik Xuan Martin Del Potroga qarshi kortga chiqdi.

Uch soatu 1 daqiqa davom etgan bahs yakunida Jokovich raqibidan ustun keldi - 4/6, 7/6(6), 6/4. Ikki tennischi o'rtasidagi o'zaro uchrashuvlar hisobi yanada yiriklashdi - 16:4! Endi Novak yarim finalda yana bir argentinalik tennischi Diego SHvarcman bilan hisob-kitob qiladi.