10 avg 07:48
Yangiliklar

Tennis

Jokovich Torontodagi ishtirokini yakunladi

Dunyoning 10-raketkasi Novak Jokovich Torontoda bo'lib o'tayotgan “Masters” seriyasiga kiruvchi turnirda mag'lubiyatga uchradi.

Serbiyalik tennischi uchinchi davra uchrashuvida ATP reytingida 27-o'rinni egallab turgan Stefanos Cicipasga yutqazib qo'ydi. Ikki soatu 17 daqiqa davom etgan bahsda greciyalik tennischi 6:3, 6:7(5), 6:3 hisobida mag'lub etdi.

Ikkala tennischi ham uchrashuv davomida 11tadan eys zarbani amalga oshirishdi. Bu tennischilarning o'zaro ilk uchrashuvi edi. Endi Cicipas chorak finalda turnirning amaldagi g'olibi germaniyalik Aleksandr Zverevga qarshi kortga chiqadi.