18 avg 07:09
Yangiliklar

Tennis

Jo'rabek Karimov Moskvada final ostonasida to'xtadi

Istedodli tennischimiz Jo'rabek Karimov Moskva shahrida yakuniga etib borayotgan musobaqaning yarim final uchrashuvini o'tkazdi.

“Fyuchers” turkumiga kiruvchi ushbu turnirning sovrin jamg'armasi 15 000 AQSH dollarini tashkil qiladi. Hamyurtimiz yarim final bahsida rossiyalik Aleksey Zaxarovga qarshi bahs olib bordi.

Afsuski, Jo'rabek Karimov ushbu uchrashuvda mezbon tennischiga 1:6, 3:6 hisobida imkoniyatni boy berdi va musobaqadagi ishtirokini yakunladi. Moskva turnirining yakkalik bahslarida qatnashgan Sanjar Fayziev va Sergey Fomin ikkinchi davrada mag'lubiyatga uchrashgandi.