Jo'rabek Karimov Qatar turniridagi ishtirokini to'xtatdi

Sovrin jamg'armasi 15 000 AQSH dollarini tashkil qiluvchi ushbu turnirda istedodli tennischimiz Jo'rabek Karimov ham ishtirok etayotgan edi. Hamyurtimiz ilk davrada qatarlik Jabbor Al-Mutavadan ustun kelgandi.

Afsuski, u ikkinchi davra uchrashuvida mag'lubiyat alamini totib ko'rdi. Jo'rabek turnirning uchinchi raketkasi shveciyalik Markus Erikssonga qarshi kortga chiqdi. Ikki soatu 19 daqiqa davom etgan bahsda shved tennischisi 5:7, 6:1, 6:3 hisobida zafar quchdi.

Taqqoslash uchun, 19 yoshli Jo'rabek Karimov dunyo reytingida 616, 28 yashar Markus Eriksson esa 314-o'rinni egallab turibdi.