Jo'rabek Karimov uzoq tanaffusdan so'ng qaytdi, u qaytishini g'alaba bilan nishonladi

Tennischimiz bugun Gruziyaning Telavi shahridagi mukofot jamg'armasi 15 000 AQSH dollarini tashkil etuvchi ITF turnirida kortga chiqdi. 

Hamyurtimiz ilk davrada belaruslik Vladislav Jukka qarshi kortga chiqdi. Roppa-rosa 1 soat davom etgan o'yinda hamyurtimiz 6:1, 6:2 hisoblarida g'alaba qozondi va ikkinchi davraga yo'l oldi. 

Endi u navbatdagi bosqichda amerikalik Dennis Uspenskiyga qarshi kortga chiqadi. 

Musobaqada ishtirok etayotgan yana bir tennischimiz Saidalo Saidkarimov birinchi davrada rossiyalik raqibini mag'lub etib, ikkinchi bosqichga yo'l oldi.