31 avg 07:45
Yangiliklar

Tennis

Jo'rabek katta tanaffusdan so'ng qaytishini g'alaba bilan boshladi

Serbiyaning Zlatibor shahrida tennis bo'yicha sovrin jamg'armasi 15 000 AQSH dollaridan iborat bo'lgan turnirning asosiy to'r bahslari davom etmoqda.

Ushbu “Fyuchers” turkumiga kiruvchi musobaqada hamyurtimiz Jo'rabek Karimov ham o'z imkoniyatini sinovdan o'tkazyapti. Istedodli tennischimiz ilk davrada shveycariyalik Maksimilyan Gatevga qarshi kortga chiqdi.

Ushbu bahsda Karimov 6:4, 6:2 hisobida g'alaba qozondi. Bugun Jo'rabek chorak final chiptasi uchun kechadigan uchrashuvda turnirning beshinchi raketkasi, chernogoriyalik Lyubomir CHelobikka qarshi bahs olib boradi.