06 noy 09:41
Yangiliklar

Tennis

Jo'rabek va Saidalo Quvaytdagi turnirda, raqiblar malum

Istedodli tennischilarimiz Jo'rabek Karimov va Saidalo Saidkarimov bugundan asosiy to'r bahslari boshlanuvchi Quvayt davlatidagi turnirda o'z imkoniyatlarini sinovdan o'tkazishadi.

Meshref shahri mezbonlik qilayotgan ushbu “Fyuchres” turkumiga kiruvchi turnirning sovrin jamg'armasi 15 000 AQSH dollarini tashkil qiladi. Jo'rabek ilk davrada xorvatiyalik Alen Rojik Xadzalichga qarshi kortga chiqadi.

Saidkarimov esa turnirning ettinchi raketkasi gollandiyalik Skott Griekspur bilan hisob-kitob qiladi. Jo'rabek shanba kuni Malayziyadagi turnirning yarim finalida aynan Skottga imkoniyatni boy berib qo'ygandi. Ikki tennischimiz chorak finalda o'zaro to'qnash kelib qolishlari mumkin.