Jordan Tompson faoliyatidagi ilk sovringa ega chiqdi

Dunyoning 40-raketkasi bo'lib kelgan Yashil qita vakili final bahsida dunyoning 12-raketkasi, norvegiyalik Kasper Ruudni mag'lubiyatga uchrata oldi - 6/3, 7/6(4). Jordan ushbu g'alabasi evaziga tennischilarning o'zaro uchrashuvlarida hisobda oldinga chiqib oldi - 3:2. 

Ikki soatu 4 daqiqa davom etgan bahsda Tompson 7 ta eys, 1 ta qo'shxato, 3 ta breykka erishdi. Tompson faoliyatidagi ilk sovrinni aynan Los-Kabosda qo'lga kiritdi. Muvaffaqiyatli ishtirok unga 250 reyting ochkosi hamda 139,190 dollar keltirdi. Ruud esa 165 ochko va 81,195 dollarlik bo'ldi.