31 avg 07:20
Yangiliklar

Tennis

Kamola Umarova Almatidagi ishtirokini yakunladi

Qozog'istonning Almati shahrida tennis bo'yicha “Fyuchers” turkumiga kiruvchi turnirning asosiy to'r bahslari davom etmoqda.

Sovrin jamg'armasi 25 000 AQSH dollarini tashkil qiluvchi musobaqada bir guruh tennischi qizlarimiz ham o'z imkoniyatlarini sinovdan o'tkazishyapti. Saralash bahslari orqali asosiy to'rga etib kelgan Kamola Umarova ikkinchi davrada o'z yurishini to'xtatdi.

Istedodli tennischimiz chorak final yo'llanmasi uchun kechgan uchrashuvda turnirning beshinchi raketkasi, rossiyalik Polina Leykinaga 5:7, 3:6 hisobida imkoniyatni boy berib qo'ydi. Kamola birinchi davrada qozog'istonlik Darya Detkovskayadan 6:1, 6:0 hisobida ustun kelgan edi.