Kamondan otish bo'yicha yoshlar o'rtasida O'zbekiston chempionati boshlandi

O'zbekiston Respublikasi Jismoniy tarbiya va sport vazirligining sport va ommaviy jismoniy tarbiya tadbirlarining 2020 yil uchun Respublika kalendar rejasiga asosan poytaxtimizdagi olimpiya zaxiralari maktab-internatida sportning kamondan otish turi bo'yicha 2004 yil va undan kichik yoshlar o'rtasida O'zbekiston chempionati start oldi.

Tadbir O'zbekiston Respublikasi Jismoniy tarbiya va sport vazirligi, O'zbekiston kamondan otish Federaciyasi hamda Sportning qishki va murakkab texnik turlari bo'yicha Respublika oliy sport mahorati maktabi hamkorligida o'tkazilmoqda.

Mazkur musobaqada Toshkent shahri, Navoiy, Farg'ona viloyatlari sportchilari o'z omadlarini sinovdan o'tkazadilar. Musobaqa dasturidan 70 metr masofadan otish, miks, olimpik raund hamda jamoa birinchiligi mashqlari joy olgan.

Ushbu musobaqa milliy terma jamoani shakllantirish uchun selekciya vazifasini o'tab beradi.