27 dek 14:42
Yangiliklar
O'q otish
Kamondan otish. Gruziyadagi musobaqa muvaffaqiyatli yakunlandi
Kamondan otish bo'yicha O'zbekiston terma jamoasi azolari Gruziyaning Batumi shahridagi xalqaro musobaqada ishtirok etishdi.
Gruziya ochiq chempionati sifatida tashkil etilgan bahslarda 50 dan ortiq sportchi o'z omadini sinab ko'rdi. Etiborlisi, musobaqada o'zbekistonlik merganlar muvaffaqiyatli qatnashishdi.
Erkaklar o'rtasida o'tkazilgan bahslarda yigitlarimiz kuchli uchlikni tashkil etib berishdi. Birinchi o'rinni Zokirjon Gafurov qo'lga kiritgan bo'lsa, Sardor Rustamov va Jamshid Sodiqov mos ravishda ikkinchi va uchinchi o'rinlarni egallashdi.
Ayollar o'rtasidagi bahslarda esa Munira Nurmanova ikkinchi o'ringa sazovor bo'ldi. Yosh qizlarimiz ichida Ziyoda Abdusattorova ham ikkinchi o'rin sohibasiga aylandi. Mikst bahslarida Ziyoda Abdusattorova va Zokirjon Gafurov tandemi birinchi, Kamola Yunusova - Jamshid Sodiqov juftligi esa uchinchi o'ringa ega chiqdilar.
Havola :
Manba : olympic.uz
Fikrlar