Kamondan otish. Samarqandda MOQ sovrini uchun O'zbekiston kubogi boshlandi

Musobaqada Respublikamizning 8 ta viloyatidan 70 nafarga yaqin sportchi ishtirok etmoqda. Bugun Samarqand avtomobilsozlik kasb-hunar kolleji binosida musobaqaga bag'ishlangan matbuot anjumani bo'lib o'tdi. Tadbirda O'zbekiston kamondan otish federaciyasi raisi Otabek Imomov, Turkiyadan tashrif buyurgan selekcioner murabbiy Vladimir Lekvishvili va boshqalar ishtirok etishdi.

Federaciya rahbari Otabek Imomov anjuman davomida so'zga chiqar ekan, tashkil etilayotgan musobaqaning ahamiyati, mazkur turnir orqali yangi nomlarni saralab olish eng asosiy maqsad ekanligi haqida gapirib o'tdi. SHuningdek, federaciya tomonidan amalga oshirilayotgan ishlar, kamondan otish bazasini qurish ishlari boshlab yuborilganligi haqida malumot berdi.

"2020 yili Tokio shahrida bo'lib o'tadigan yozgi Olimpiya o'yinlarida ishtirok etish uchun licenziya qo'lga kiritib, munosib ishtirok etish oldimizga qo'yilgan eng asosiy vazifadir. Biz O'zbekistonning turli hududlarida kamondan otish sport turini rivojlantirish, yoshlarni ushbu sport turiga jalb qilish hamda yurtimiz bayrog'ini nufuzli musobaqalarda baland ko'tarishni o'z oldimizga maqsad qilib qo'yganmiz", - dedi Otabek Imomov.

Tadbir davomida anjuman ishtirokchilari o'zlarini qiziqtirgan yana bir qator savollarga javob olishdi. Matbuot anjumani yakunlangach, musobaqaning ochilish marosimi bo'lib o'tdi. SHundan so'ng bahslarga start berildi.

Musobaqa 17 noyabrga qadar davom etadi.