Kamondan otish. Terma jamoamiz azolari Samarqandda yig'inga kirishdi

Merganlarimiz 15 fevral kuni Samarqand shahridagi ixtisoslashtirilgan Olimpiya zaxiralari maktab-internatida sportchilarimiz mashg'ulotlarga kirishdilar.

Terma jamoamiz safida yig'inda Zokirjon G'ofurov, Jamshid Sodiqov, Sardor Rustamov, Abdulbori Aloviddin, Munira Nurmanova, Kamola Yunusova, Ziyodaxon Abdusattorova hamda  Anastasiya Soldatenko kabi sportchilarimiz ishtirok etishmoqda. Mashg'ulotlar Turkiyadan tashrif buyurgan murabbiy Vladimir Lekvishvili qo'l ostida tashkil etilmoqda.

Mazkur yig'in 10 martga qadar davom etadi. 12 mart kuni esa merganlarimiz Turkiyaning Antaliya shahridagi xalqaro o'quv-mashg'ulot yig'inlariga jo'nab ketadilar.

Rejaga ko'ra, sportchilarimiz iyun oyida Gollandiyaning Xertogenbosh shahridagi reyting turnirida qatnashadilar.