Kanadada shaxmat titanlari o'rtasida Davogarlar turniri start olmoqda

Erkaklar va ayollar o'rtasidagi ushbu musobaqada 8 nafardan shaxmat yulduzlari jahon toji uchun davogar nomini aniqlab berish uchun o'zaro dona surishadi. Erkaklar o'rtasidagi turnirda amerikaliklar Hikaru Nakamura, Fabiano Karuana, hind grossmeysterlari Santosh Gujrati, Gukesh Dommaradju, Rameshbabu Praggnanadha, ozarbayjonlik Nijat Abasov, franciyalik Alireza Firuzja hamda FIDE bayrog'i ostida qatnashayotgan Yan Nepomnyashiy bahs olib boradi. 

Ayol shaxmatchilar musobaqasida esa xitoyliklar Ting Jie Ley, Tan Jongyu, hindistonliklar Xampi Koneru, Vayshali Rameshbabu, ukrainalik Anna Muzichuk, bolgariyalik Nurgyul Salimova FIDE bayrog'i ostida ishtirok etadigan Aleksandra Goryachkina va Katerina Lagno toj davogarini aniqlab berishadi. 

Candidates Tournament 2024 turnirning umumiy mukofot jamg'armasi 750 000 evroni tashkil etadi. Umumiy summadan 500 ming dollari erkaklar, 250 mingi esa ayollar o'rtasidagi turnirga tegishli bo'ladi. Yani, erkak shaxmatchilar mukofot pulini ayollarga qaraganda ikki barabar ko'proq olishadi. Erkaklarda g'olib 48 000, ayollar esa 24 000 evroni qo'lga kiritadi.  

Candidates Tournament 2024. 1-tur juftliklari (Erkaklar)

Fabiano Karuana (AQSH, 2803) - Hikaru Nakamura (AQSH, 2789)

Nijat Abasov (Ozarbayjon, 2632) - Yan Nepomnyashiy (FIDE, 2758)

Alireza Firuzja (Franciya, 2760) - Pragnanandha (Hindiston, 2747)

Gukesh (Hindiston, 2743) - Vidit Santosh (Hindiston, 2727)

Candidates Tournament 2024. 1-tur juftliklari (Ayollar)

Aleksandra Goryachkina (FIDE, 2553) - Katerina Lagno (FIDE, 2542)

Anna Muzichuk (Ukraina, 2520) - Nurgyul Salimova (Bolgariya, 2432)

Ley Ting Jie (Xitoy, 2550) - Tan Jong YU (Xitoy, 2521)

Vayshali Rameshbabu (Hindiston, 2475) - Hampi Koneru (Hindiston, 2546)