30 okt 11:58
Yangiliklar

Tennis

Karen Xachanov “Masters”ning ikkinchi davrasida yutqazdi

Rossiyalik tennischi Karen Xachanov Parij “Masters” turnirining ikkinchi davra uchrashuvida mag'lubiyat alamini totib ko'rdi.

Dunyoning sakkizinchi raketkasi bo'lib turgan 23 yoshli Xachanov roppa-rosa ikki soat davom etgan bahsda germaniyalik Yan-Lennard SHtruffga imkoniyatni boy berdi - 6/7(5), 6/3, 5/7.

Karen uchrashuv davomida 17, reytingning 36-pog'onasidan joy olgan 29 yoshli Yan-Lennard ham aynan 17 ta eys zarbasini amalga oshirgan. Ikki tennischining o'zaro uchrashuvlaridagi hisob muvozanati tiklandi - 1:1.