Karimjonova va Bahodirova Shymkent Open turnirning 2-davrasida

Qizlar o'rtasidagi Shymkent Open musobaqasining asosiy to'r bahslarida etti nafar tennischimiz o'z ishtirokini boshlagan edi. Ulardan faqat ikki nafarigina ikkinchi davra yo'llanmasini qo'lga kiritdi.

Turnirda 7-raqam ostida tasniflangan Yasmina Karimjonova mezbonlar vakilasi Danel Ashirovani 5:7, 6:0, 6:4 hisobida mag'lub etdi. Laylo Bahodirova esa belaruslik Kristina Filichenokdan 6:4, 7:5 hisobida ustun keldi.

Bugun Yasmina ikkinchi bosqich uchrashuvida rossiyalik Varvara Kusinaga qarshi kortga chiqadi. Laylo esa turnirning 3-raqamli tennischisi, qozog'istonlik Jibek Kulambaeva bilan munosabatlariga oydinlik kiritib oladi.