Kechagi o'yinlardan so'ng Qozog'iston Pro-Ligasida pley-off imkoniyatlari kimda qanday?

Jumladan, Toshkentning "Humo" jamoasi 39-tur doirasida Astana shahrining "Snejnye Barsy" klubiga qarshi ilk cafar o'yinini o'tkazdi. Jamoalar uchun mavsum davomidagi o'zaro uchinchi uchrashuv 5:0 hisobida "Humo" foydasiga yakunlandi.

Mazkur o'yindan so'ng "qanotlilar" musobaqa jadvalidagi ochkolari sonini 60 taga etkazishdi va bu bilan ikkinchi o'rinni mustahkamlab olishdi. "Snejnye Barsy" esa 9 ochko bilan so'nggi - o'n ikkinchi o'rindan joy olgan. Vakillarimiz ayni damda birinchi o'rindagi "Sariarka" jamoasidan 12 ochko ortda, uchinchi o'rindagi "Nomad" jamoasidan esa 3 ochko oldinda bormoqda.

Bugun vakillarimiz "Snejnye Barsy" jamoasiga qarshi so'nggi o'yinini o'tkazadi. Uchrashuv soat 18:00 da, Astana shahridagi "Barsy Arena"da boshlanadi.

Qozog'iston Pro-Ligasi 39-turidan so'ng musobaqa jadvali