Kenin kutilmaganda qozog'istonlik raqibasiga yutqazib qo'ydi

Kutilmaganda dunyoning ettinchi raqamli tennis malikasi Sofiya Kenin ilk davra uchrashuvidayoq mag'lubiyat alamini totib ko'rdi. Amerikalik tennischi reytingning 19-pog'onasidan joy olgan qozog'istonlik Elena Ribakinaga imkoniyatni boy berdi - 7/6(2), 3/6, 3/6.

Uchrashuv roppa-rosa ikki soat davom etgan. Bu tennischilarning o'zaro ilk to'qnashuvi bo'ldi. Endi Ribakina Dubai Duty Free Championships turnirining ikkinchi davrasida chexiyalik Katerjina Sinyakovaga qarshi kortga chiqadi.