US Open 2026. Ayollar o'rtasida musobaqa chempioni aniqlandi. G'oliba dahshatli summaga ega chiqdi

Yakkalik bahslarining hal qiluvchi final uchrashuvida dunyoning birinchi raketkasi va shu bilan birga amaldagi chempioni bo'lib kelgan belaruslik Arina Sobolenko WTA reytingida ikkinchi pog'onadan joy olgan qozog'istonlik Elena Ribakinaga qarshi kortga chiqdi. 

Ikki soatu 22 daqiqa davom etgan uchrashuvda Ribakina raqibasini 6/4, 5/7, 6/2 hisobida mag'lubiyatga uchratib, US Open-2026 chempioniga aylandi. Elena tennis malikalarining o'zaro uchrashuvlari hisobini biroz qisqartirishga muvaffaq bo'ldi - 8:10. Yana ikkita g'alabadan keyin qozog'istonlik tennischi muvozanatni tiklab qo'yadi. Bu yilgi mavsumda u ikkinchi marotaba Sobolenkoni taslim etdi.  

Sobolenko final bahsi davomida 6, Ribakina 11 ta eys zarbasini amalga oshirdi. Qo'shxatolar Elenada bittaga ko'proq bo'ldi - 4 ga 3. Breyklar bo'yicha esa tabiiyki, yon qo'shnimiz 3 ga 1 ko'rinishida ustunlikka erishdi.

SHu tariqa, Elena Ribakina faoliyatidagi uchinchi "Katta Dubulg'a" turniri chempionligini qo'lga kiritdi. U yangilangan WTA reytingida birinchi o'ringa ko'tarilib oladi. Belaruslik tennischining deyarli 100 haftalik peshqadamligiga barham berildi. 

Elena ikki haftalik mehnatidan 2000 reyting ochkosi hamda 5,5 mln AQSH dollari miqdorida mukofot pulini qo'lga kiritdi. CHempionlik bilan birga dunyoning birinchi raketkasi maqomini ham boy bergan Arina Sobolenko esa 2,8 mln dollar hamda 1300 reyting ochkosiga ega chiqdi.