Kibersport rivoji yo'lida yangi qadam – Uzbekistan Esports federaciyasi IESF va AESF azoligiga qabul qilindi

Bu haqda bugun xalqaro tashkilotlarning rasmiy saytlarida malum qilindi.

IESF’ning malum qilishicha xalqaro tashkilotga Uzbekistan Esports federaciyasidan tashqari Janubiy Amerikadan Argentina va Gvatemala, shuningdek, Evropadan Norvegiya va Irlandiya elektron sportfederaciyalari ham azo sifatida tan olingan.

Malumot uchun, The International Esports Federation – IESF 2008 yilda Evropa va Osiyoning 9 mamlakati azoligida tashkil etilgan edi. SHundan buyon yildan-yilga ushbu xalqaro tashkilotga azo bo'layotganlar ortib bordi.

Hozirgi kunda tashkilotga 71 ta davlat azo bo'lgan bo'lib, IESF jahonda elektron sport o'yinlarining ommalashuvi rivojlanishi yo'lida faol xizmat ko'rsatmoqda.

SHuningdek, Osiyo elektron sport federaciyasi (Asian Electronic Sports Federation – AESF) ham Uzbekistan Esports federaciyasining tashkilotga rasman azo bo'lganligini elon qilar ekan, O'zbekistonda ushbu sport o'yinlari tobora rivojlanib borayotganini etirof etdi.

Uzbekistan Esports federaciyasi prezidenti Azizbek Pattaxov Asian Electronic Sports Federation ijroqo'm azoligiga ham qabul qilingan. Endi xalqaro tashkilot tomonidan muhim qarorlar qabul qilinayotganda O'zbekiston tomoni ham o'z ovoziga ega bo'lmoqda.

Malumot uchun, Uzbekistan Esports federaciyasi 2016 yilda tashkil etilgan bo'lib, "Team Uzbekistan" - milliy terma jamoa sportchilari bilan xalqaro musobaqalarda O'zbekiston nomidan munosib ishtirok etib kelmoqda.

Bugungi kunda Jismoniy tarbiya va sport vazirligi tomonidan ham kibersportning mamlakatimizda professional sport turi sifatida keng rivoj topishi uchun Uzbekistan Esports federaciyasi bilan hamkorlikda qator ishlar amalga oshirilmoqda. Jumladan, har yili mamlakat ochiq chempionatlari tashkil etilib, iqtidorli sportchilarni saralab olgan holda "Team Uzbekistan" jamoasi azolari shakllantirilmoqda.

Uzbekistan Esports federaciyasi Alibaba Sports va SHOS Esports Siyan xalqaro tashkilotlarining ham azosi sanaladi. Federaciyaning bu tashkilotlar bilan uzoq yillik shartnomalari mavjud bo'lib, ular tomonidan tashkil etilayotgan yirik turnirlarda sportchilarimiz munosib ishtirok etib kelmoqda.