05 may 16:32
Yangiliklar

Tennis

Kontaveyt Madriddagi ishtirokini yakunladi

Dunyoning 15-raketkasi Anett Kontaveyt Madridda start olgan nufuzli turnirdagi ishtirokini birinchi bosqichdayoq to'xtatdi.

Estoniyalik tennischi Mutua Madrid Open turnirining birinchi davrasida belaruslik Aleksandra Sosnovichga qarshi kortga chiqdi. Reytingning 34-pog'onasidan joy olgan Aleksandra raqibasini 0/6, 6/3, 6/2 hisobida taslim etdi.

Bir soatu 33 daqiqa davom etgan bahsda Anett 6, Sosnovich esa 4 ta eys zarbasini amalga oshirdi. Belaruslik tennischi endi ikkinchi bosqichda belgiyalik Elize Mertens hamda slovakiyalik Anna SHmidlova uchrashuvi g'olibasiga qarshi kortga chiqadi.