Konya-2021. Bekzod Abdurahmonovni "so'yishdi". Ikki kurashchimiz oltin, qolganlar bronza uchun kurashadi

Tokio Olimpiadasi sovrindori Bekzod Abdurahmonov turkiyalik raqibiga qarshi kechgan yarim final bellashuvi yakunlanishiga 30 soniya qolganida 6-2 hisobida g'alaba qozonayotgan edi. Mezbon kurashchi murabbiylarilari o'sha lahzada bajarilgan usulga ball berish talab qilib, "chellenj" so'rashdi. Vaziyat deyarli 15 daqiqa ko'rib chiqilganidan so'ng turkiyalikka 4 ball taqdim etishdi. Qolgan 30 soniya vaqt Bekzodga vaziyatni o'zgartirish uchun kamlik qildi. Associaciya rahbarlari va murabbiylar qanchalik etiroz bildirishmasin, hakamlar qarorini o'zgartirmadi. 

SHu tariqa, Bekzod Adurahmonov kechki dasturda bronza medali uchun kurashadigan bo'ldi. Erkin kurashchilarimizdan Zafarbek Otaxonov (-70 kg), Bobur Islomov (-92 kg) va Hasanboy Rahimov (-125 kg) ham Islom birdamligi o'yinlarining bronza medali uchun gilamga chiqadi. 

Jahongirmirza Turopov (-61 kg) esa hal qiluvchi final uchrashuvida oltin medal uchun kurashadi. Ayollar o'rtasidagi bellashuvlarda uch nafar kurashchi-qizimiz ishtirok etgan bo'lsa, ulardan birgina Aktenge Keunimjaeva (-53 kg) finalga etib keldi. Birozdan so'ng u ozarbayjonlik raqibasi bilan oltin medal taqdirini hal qiladi. Nabira Esenbaeva (-62 kg) va Svetlana Oqnazarova (-72 kg) esa O'zbekistonga medalsiz qaytadigan bo'lishdi.