Kopa Amerika-2019. Messi qizil olgan o'yinda Argentina bronza medallariga ega chiqdi + VIDEO

Uchrashuvning 12-daqiqasida argentinaliklar sardori Lionel Messining chiroyli pasidan so'ng, Serxio Aguero hisobni ochdi. Keyin esa Paulo Dibala oradagi farqni oshirdi. O'yinning 37-daqiqasida Messi raqib sardori Geri Medel bilan janjallashib ketdi va hakam ikkala futbolchini maydondan chetlatdi.

Ikkinchi bo'lim boshlarida esa Arturo Vidal penaltini aniq amalga oshirib, hisobni qisqartirdi va o'yin ushbu natija bilan yakunlandi. Argentina terma jamoasi o'z tarixida beshinchi bor Kopa Amerika bronza medallarini qo'lga kiritdi.

Argentina – CHili 2:1 (2:0, 0:1)

«Arena Korintians»

Gollar: 1:0 – 12 Aguero, 2:0 – 22 Dibala, 2:1 – 59, penalti Vidal.

Argentina – Armani, Otamendi, Talyafiko, Peccelya, Foyt, Paredes, de Paul, Lo CHelso (Funes Mori, 90), Aguero (Suares, 81), Dibala (Di Mariya, 67), Messi.

CHili – Aryas, Isla, Dias, Xara (Maripan, 50), Bosejur, Vidal, Arangis (Kastilo, 83), Sanches (Fernandes, 17), Pulgar, Vargas, Medel.

Ogohlantirishlar: Bosejur (16), Vidal (26), Pulgar (45), Peccelya (57), Paredes (63), Foyt (79), Talyafiko (90).

CHetlatishlar: Medel (37), Messi (37).