14 okt 10:02
Yangiliklar

Tennis

Kreml kubogi. Nigina saralash uchrashuvida kortga chiqdi

Rossiya Federaciyasi poytaxti Moskva shahrida tennis bo'yicha WTA Premier tasnifiga kiruvchi nufuzli turnirning saralash bahslari davom etmoqda.

Sovrin jamg'armasi 932 866 AQSH dollarini tashkil etuvchi Kreml kubogida ikki hamyurtimiz - Sabina SHaripova hamda Nigina Abduraimova ham ishtirok etyapti. Sabina o'z uchrashuvida g'alabaga erishib, final saralash raundiga yo'l oldi.

Afsuski, Nigina Abduraimova dastlabki davradayoq mag'lubiyat alamini totib ko'rdi. Lekin reytingda o'zidan ancha yuqorida turgan raqibasiga munosib qarshilik ko'rsata oldi. WTA reytingida 121-o'rinda borayotgan germaniyalik 30 yoshli Laura Zigemund reytingning roppa-rosa 400-pog'onasidan joy olgan Niginani 2 soatu 16 daqiqa davom etgan bahs yakunida 7:6(2), 3:6, 6:3 hisobida mag'lub etdi.