18 okt 12:02
Yangiliklar

Tennis

Kreml Kubogi. Pavlyuchenkova 1/4 finalga chiqdi

Rossiyalik tennis malikasi Anastasiya Pavlyuchenkova Moskvada davom etayotgan turnirining chorak finaliga yo'l oldi.

Dunyoning 40-raketkasi bo'lib turgan Nastya “Kreml Kubogi”ning ikkinchi davra uchrashuvida vatandoshi, reytingning 121-pog'onasini egallab turgan Varvara Grachyovadan ustun keldi - 5/7, 6/4, 6/2. Ushbu bahs 2 soatu 11 daqiqa davom etgan.

Bu hamyurtlarning o'zaro ilk uchrashuvi edi. Endi Pavlyuchenkova yarim final chiptasi uchun yana bir rossiyalik tennischi Veronika Kudermetovaga qarshi kortga chiqadi. Vera ikkinchi bosqich uchrashuvida dunyoning to'rtinchi raketkasi, ukrainalik Elina Svitolinani mag'lubiyatga uchratgandi.