14 okt 17:38
Yangiliklar

Tennis

Kreml Kubogi. Sabina finalda uch setdan iborat uchrashuv o'tkazdi

Rossiya Federaciyasi poytaxti Moskva shahrida o'tkazilayotgan tennis bo'yicha WTA Premier tasnifiga kiruvchi nufuzli turnirning saralash bahslari yakuniga etib boryapti.

Sovrin jamg'armasi 932 866 AQSH dollarini tashkil etuvchi Kreml Kubogida ikki hamyurtimiz - Sabina SHaripova hamda Nigina Abduraimova ham ishtirok etdi. Nigina kecha birinchi davrada mag'lubiyatga uchragan bo'lsa, Sabina isroillik 23 yoshli Deniz Xazanyukdan ustun kelgandi.

Hozirgina yakuniga etgan saralashning final uchrashuvida hamyurtimiz rossiyalik 28 yoshli Vitaliya Dyachenkoga qarshi kortga chiqdi. Bir soatu 54 daqiqa davom etgan bahsda SHaripova 6:4, 3:6, 1:6 hisobida imkoniyatni boy berib, turnirdagi ishtirokini yakunladi. Sabina WTA reytingida 135, Vitaliya esa 117-o'rinni egallab turibdi.