21 okt 12:15
Yangiliklar

Tennis

Kreml Kubogi (WTA): Gerges va Kasatkina finalda

Rossiya Federaciyasi poytaxti Moskva shahrida o'tkazilayotgan tennis bo'yicha Kreml Kubogi turniri yakuniga sari yaqinlashmoqda.

WTA Premier toifasiga kiruvchi ushbu musobaqaning yakkalik bahslarida final ishtirokchilarining nomi malum bo'ldi. Turnirning ettinchi raketkasi germaniyalik Yuliya Gerges hamda mezbon tennischi Darya Kasatkina bugun bosh mukofot uchun bahsda kortga chiqishadi.

Dunyoning 27-raketkasi bo'lgan Gerges 1 soatu 58 daqiqa davom etgan yarim final bahsida rossiyalik Natalya Vixlyancevani 6:2, 2:6, 7:5 hisobida taslim etdi. WTA reytingida 29-o'rinni egallab turgan Kasatkina esa ruminiyalik Irina Begudan 6:2, 6:3 hisobida ustun keldi.

Yarim final

Darya Kasatkina (Rossiya) – Irina Begu (Ruminiya) – 6:2, 6:3

Yuliya Gerges (Germaniya, 7) – Natalya Vixlyanceva (Rossiya) – 6:2, 2:6, 7:5

Final

Darya Kasatkina (Rossiya) – Yuliya Gerges (Germaniya, 7)