Kriket endi Surxondaryoda ham rivojalanadi

Ikki bosqichli murabbiylarni (Level-1 Criket Coaching) tayyorlash maqsadida O'zbekiston Respublikasi Sportni rivojlantirish vazirligi bilan hamkorlikdagi dastlabki o'quv-yig'in Buxoro viloyatida 3-5 noyabr kunlari  amalga oshirilgan bo'lsa, 6-8 noyabr kunlari Surxondaryo viloyatining Termiz shahrida tashkil etildi.  

Xuddi Buxoro viloyatida bo'lgani kabi Termizda ham pokistonlik oliy toifali kriket mutaxassisi Tohir Muhammad hamda O'zbekiston kriket federaciyasi raisi Aziz Mixlievlar tomonidan 13 nafar jismoniy tarbiya va sport murabbiylariga hamda 6 nafar kriket sport turiga qiziqish bildirgan sportchi-yoshlarga birinchi bosqich murabbiylik kursi o'tkazildi va yakunda ishtirokchilarga maxsus sertifikatlar berildi.  

O'zbekiston Respublikasi sportni rivojlantirish vazirligi hamda O'zbekiston Kriket federaciyasining taqvim-rejasidagi navbatdagi o'quv-seminar 10-13 noyabr kunlari Qashqadaryo viloyatida tashkil etiladi. 

Ilhom RAHMONOV tayyorladi