Kudermetova - Volvo Car Open chempioni!

Hal qiluvchi final uchrashuvida rossiyalik Veronika Kudermetova chernogoriyalik Danka Kovinichga qarshi kortga chiqdi. Dunyoning 38-raketkasi bo'lib turgan 23 yoshli Veronika reytingning 91-pog'onasidan joy olgan 26 yoshli Dankani 6/4, 6/2 hisoblarida mag'lub etdi va bosh sovringa ega chiqdi.

Bir soatu 36 daqiqa davom etgan bahsda Kudermetova 6 ta eys zarbani amalga oshirdi. Bu uning faoliyatidagi birinchi sovrin bo'ldi. Volvo Car Open turniridagi muvaffaqiyatli ishtirok Kudermetovaga 68,570 dollar mukofot puli hamda 470 reyting ochkosini taqdim etdi.