Kun tarixi: Yozgi Olimpiya o'yinlaridagi ilk oltin medalimizga 20 yil bo'ldi

Etiborlisi, Olimpiadaning so'nggi kun dasturida O'zbekiston delegaciyasi bir yo'la 4 ta: 1 tadan oltin hamda kumush va 2 ta bronza medallarini qo'lga kiritgan. Bu bilan jamoamiz Olimpiya o'yinlarini umumjamoa hisobida 43-o'rinda tugatgan edi.

Afsonaviy bokschimiz Muhammadqodir Abdullaevning -63.5 kg vazn toifasida qo'lga kiritgan oltin medali mustaqil O'zbekistonning yozgi Olimpiadalardagi dastlabki g'alabasi sifatida tarixdan joy oldi. SHuningdek, ushbu sanada o'sha paytda 21 yosh bo'lgan Artur Taymazov erkin kurash bahslarining eng og'ir vazn toifasida kumush medalga sazovor bo'lgan. Keyingi Olimpiadalarda Artur Taymazov qanday ishtirok etganini yaxshi bilasiz. Qolaversa, ushbu sanada bokschilarimiz Sergey Mixaylov (-81 kg) hamda Rustam Saidov (-91 kg) bronza medallari bilan taqdirlanishgan. Garchi ularning yarim final janglari bir necha kun avval o'tkazilgan bo'lsa ham, taqdirlash marosimi aynan 2000 yilning 1 oktyabr sanasiga to'g'ri keladi.

Keling, o'sha onlarni yana bir karra yodga olamiz: