Kurashchilar uchun yangi vazn toifasi qo'shiladi

So'nggi vaqtlarda Kurash sportini AIMS azoligiga qabul qilish bo'yicha ijobiy kelishuvga erishilganligi va AIMS Prezidenti Stephan Fox tomonidan Kurash vaznlarini muqobillashtirish borasidagi takliflari inobatga olinib, kurash bo'yicha kattalar o'rtasidagi vaznlar 16 taga etkaziladi.

- Ayni vaqtda kattalar o'rtasidagi vazn toifalari 15 tani tashkil etadi. 7 erkaklar va 8 ta ayollar. Gender tengligini taminlash bo'yicha AIMS talabi asosida kurashchilar vaznlarini qayta ko'rib chiqish talab etiladi, - deydi IKA Prezidenti. Biz 7 erkaklar va 7 ayollar jami 14 ta vazn qilishimizdan ko'ra erkaklar vazn toifasiga yana bitta vazn qo'shishni afzal bilmoqdamiz. CHunki bu kurashchilar uchun ishtirok etish imkonini yanada oshiradi.

Yig'ilish davomida IKA vice-prezidenti Mirabe Iliades, IKA Bosh kotibi Muhammad Reza Nassiriy va IKA Texnik direktori Ravi Kapurlar tomonidan bir nechta variantlar taklif qilindi.

Yakunda mutaxassislar -120 kg vazn toifasida to'xtalishdi.Bunda 100 kg vazn toifasidan yuqori vaznlarda yangi vazn jiddiy o'zgarishni yuzaga keltirmasligi inobatga olindi. 100 kg.dan kam vaz toifalarida esa bevosita ketma-ketlik o'zgarishi mumkinligi aytildi.

Yig'ilishda mazkur masala bo'yicha Kurash ekspertlarining takliflari olinib, yakuniy qaror uchun takliflar ishlab chiqilishi belgilandi.