Leyver Kubogi: Federer - Nadal juftligida g'alaba

Avstraliyalik mashhur tennischi Rod Leyver nomi bilan ataluvchi ushbu musoabqada Evropa va Jahon terma jamoalari o'zaro munosabatlariga oydinlik kiritib olishyapti.

Born Borg sardorligidagi Evropa jamoasi tarkibidan Rafael Nadal, Rojer Federer, Marin CHilich, Dominik Tim, Tomash Berdix va Aleksandr Zverev joy olishgan.

Jon Makinroy sardorligidagi jahon terma jamoasi safida Nik Kiros, Jek Sok, Jon Izner, Sem Kuerri, Frensis Tiafo va Denis SHapovalov harakat qilishyapti.

Musobaqaning ikkinchi kungi bahslaridan so'ng Evropa terma jamoasi asosan amerikaliklardan tarkib topgan Jahon terma jamoasini 9:3 hisobida mag'lubiyatga uchratmoqda. 

Kechagi kun natijalari:

Rojer Federer – Sem Kuerri – 6:4, 6:2

Rafael Nadal – Jek Sok – 6:3, 3:6, 11:9

Tomash Berdix – Nik Kiros – 6:4, 6:7 (4), 6:10

Rojer Federer / Rafael Nadal – Sem Kuerri / Jek Sok – 6:4, 1:6, 10:5