Lyucernda o'tadigan Universiada-2021 dekabrga qoldirildi

Xalqaro universitetlar sporti federaciyasi (FISU) SHveycariyaning Lyucern shahrida kelgusi yilning 21-31 yanvar kunlari bo'lib o'tishi rejalashtirilgan 30-qishki Universiada o'yinlari koronavirus pandemiyasi sababli qoldirilgani va musobaqalar 2021 yil 11-21 dekabr kunlari bo'lib o'tishini malum qildi.

Qaror tashkilot Ijroiya qo'mitasi tomonidan FISUga azo milliy federaciyalar, shuningdek, dasturdan o'rin olgan oltita xalqaro federaciya o'rtasida o'tkazilgan so'rovnoma natijasida qabul qilindi.

Eslatib o'tamiz, SHveycariyadagi talabalar o'yinlari bir vaqtning o'zida mamlakatning oltita mamuriy hududi – kantonning hamkorlikdagi qo'shma loyihasidir, Lyucern esa musobaqaning asosiy markazi bo'lishi kerak. Tashkilotchilar rejasiga ko'ra, Universiadaga 50 mamlakatdan keladigan 2500 nafardan ziyod sportchi ettita obektda o'nta sport turi bo'yicha kuch sinashadilar. Avvalgi musobaqalar 2019 yilda Krasnoyarskda bo'lib o'tgan edi.

– Koronavirus pandemiyasi 2020 yilga kuchli salbiy tasir ko'rsatdi, deya qo'shimcha qildi FISU Bosh kotibi va ijrochi direktori Erik Senrond. – Keyingi bir necha yil ichida uning asoratlari xalqaro sport taqvimida sezilarli o'zgarish yasadi. Universiadani keyinga qoldirishda biz mavjud vaziyatni, mamlakat byudjetini va yirik musobaqalar jadvallarini inobatga oldik.

Takidlash kerak, “Lyucern-2021” Tashkiliy qo'mitasi sport anjumanini bundan boshqa kechiktirmasligi aniq, chunki 2022 yilgi qishki mavsum Pekindagi Olimpiya o'yinlariga bag'ishlanadi. Ikki yilga kechiktirishning esa iloji yo'q, chunki 2023 yilda 31-qishki Universiada o'yinlariga Amerikaning Leyk-Plesid shahri mezbonlik qilishi rejalashtirilgan.