16 iyu 07:29
Yangiliklar

Taekvondo

Madina Mirabzalova koreyalik raqibasini o'z yurtida mag'lub etib, bronza medali sohibasiga aylandi!

Koreya Respublikasining Muju shahrida taekvondo WT bo'yicha G1 tasnifiga kiruvchi Gran-Pri CHellenj turniri bo'lib o'tmoqda.

Ilk kungi bellashuvlar ayollar o'rtasida -49 va -57, erkaklar o'rtasida -58 kg vazn toifalarida tashkil etildi. Yurtimiz sharafini Omonjon Otajonov (-58 kg) va Madina Mirabzalova (- 57 kg) himoya qilishdi.

Quvonarlisi, musobaqada to'rtinchi raqam ostida tasniflangan Madina Mirabzalova musobaqaning bronza medaliga ega chiqdi. U avvaliga vetnamlik CHam Ngok Famni engib, yarim finalga yo'l olgandi. Final yo'llanmasi uchun bahsda esa hamyurtimiz musobaqaning birinchi raqamli sportchisi – Vey-CHun Lin oldida ojiz qoldi.

SHu tariqa, bronza medali uchun kurashish imkoniyatini saqlab qolgan Mirabzalova mezbonlar vakilasi Yong Yang Jongni 2:0 hisobida mag'lub etib, nufuzli xalqaro turnirning bronza medalini qo'lga kiritdi.