Madrid "Masters". Nadal 3-davrada 3 soatu 3 daqiqalik uchrashuv o'tkazdi

ATP reytingida 512-pog'onada borayotgan ispaniyalik afsona Rafael Nadal uchinchi davra uchrashuvida dunyoning 91-raketkasi argentinalik Pedro Kachinni uch set natijasiga ko'ra mag'lubiyatga uchratdi - 6/1, 6/7(5), 6/3. Bu tennischilarning o'zaro o'tkazgan ilk uchrashuvi edi. 

Uch soatu 3 daqiqalik bahs statistikasi:

Rafael Nadal - eys yo'q, qo'shxato yo'q, 9 ta breyk.

Pedro Kachin - 3 ta eys, 3 ta qo'shxato, 4 ta breyk.

Nadal US Open-2022 turniridan keyin ilk bor ketma-ket uchta uchrashuvda g'alaba qozondi. Endi u Mutua Madrid Open turnirining 1/8 finalida Irji Lexechkaga qarshi kortga chiqadi. CHexiyalik tennischi uchinchi bosqichda braziliyalik Tyago Monteyroni 6/4, 7/6(7) hisobida taslim etdi.