Madrid Open. Aleksandrova Ostapenkoni mag'lub etib, keyingi bosqichga chiqdi

Jahonning 45-raketkasi, rossiyalik Ekaterina Aleksandrova turnir startida WTA reytingida 12-pog'onani egallab turgan latviyalik Elena Ostapenkoni uch setda 6/2, 4/6, 6/4 hisobida mag'lub etib, turnirning ikkinchi davrasiga chiqdi.

Uchrashuv bir soatu 50 daqiqa davom etdi. Ushbu vaqt davomida 27 yoshli Aleksandrova to'qqizta eys zarbasini amalga oshirib, to'pni o'yinga kiritishda to'rt marta xatoga yo'l qo'ydi va ettita breykdan unumli foydalandi. 24 yoshli Ostapenko esa to'rtta eys, sakkizta qo'sh xato va beshta breyk qayd etdi. Sportchilarning o'zaro uchrashuvlarida hisob rossiyalik tennischi foydasiga 4:2 ko'rinishiga keldi.

Aleksandrovaning turnirning keyingi bosqichidagi raqibi ispaniyalik Nuriya Parrizas-Dias bo'ladi.