Madrimovning vaznidagi qozog'istonlik bokschi prof faoliyatida ilk bor g'alaba qozona olmadi

Oqshom doirasida super yarimo'rta vazn toifasida faoliyat olib borayotgan qozog'istonlik Sadriddin Ahmedov Meksika vakili Elias Espadasga qarshi ringga ko'tarildi.

10 raundlik bellashuv to'liq davom etib, yakunda hakamlar durang natija qayd etilganini elon qilishdi.

27 yashar Sadriddin uchun bu faoliyatidagi 16-jang bo'ldi. U bundan avvalgi janglarining barchasini g'alaba bilan yakunlagandi (13 KO). 34 yoshli Espadas hisobida esa endi 23 ta g'alaba, 6 ta mag'lubiyat va 1 ta durang bor.

Sadriddin bundan avvalgi jangini o'tgan yilning dekabr oyida super yarim o'rta vazn toifasidagi o'zbekistonlik WBA sobiq chempioni Isroil Madrimov mag'lub etgan Rafael Igbokvega qarshi o'tkazib, nokaut evaziga g'olib bo'lgandi.