17 okt 08:34
Yangiliklar

Tennis

Maftunkor Bushar Lyuksemburgda g'alaba bilan boshladi

Lyuksemburgda tennis bo'yicha nufuzli WTA turniri davom etmoqda.

BGL BNP Paribas Luxembourg Open musobaqasida yaqindagina “Toshkent Open” turnirida qatnashgan kanadalik Ejeni Bushar ham ishtirok etyapti. Dunyo reytingida 108-o'rinni egallab turgan Bushar Lyuksemburgdagi ishtirokini g'alaba bilan boshladi.

Kanadalik tennis malikasi 1 soatu 12 daqiqa davom etgan ilk davra uchrashuvida dunyoning 63-raketkasi, vengriyalik Timea Baboshni 6:4, 6:2 hisobida mag'lub etdi. Endi Ejeni ikkinchi bosqichda ispaniyalik Karla Suares Navarroga qarshi kortga chiqadi.