Magnus Karlsenni mag'lub etgan Javohir Sindarov "Titled Tuesday" turniri g'olibi bo'ldi + FOTO

Yosh grossmeysterimiz musobaqaning kechki dasturida 11 imkoniyatdan 10 ochko to'plab, turnir g'olibi bo'ldi. Ikkinchi o'rin jahon tojdori, norvegiyalik Magnus Karlsenga nasib etdi. 

Etiborlisi, Sindarov chempionlik masalasini hal qilgan partiyada aynan Karlsenni mag'lubiyatga uchratgan. Javohir Magnus Karlsendan tashqari Aleksey Sarana, Endryus Tang, Levi Rozman singari taniqli grossmeysterlarni ham enga oldi.

Malumot uchun, "Titled Tuesday" turniri Chess.com saytida o'tkaziladigan mashhur onlayn musobaqa hisoblanadi. Unda dunyoning turli burchaklaridan "titled", yani shaxmatda eng kamida sport ustasi unvoniga ega bo'lgan shaxmatchilar blic formatida dona surishadi. Turnirning mukofot jamg'armasi 1600 AQSH dollarni tashkil etadi. Birinchi o'rin sohibi 750 AQSH dollarini qo'lga kiritadi.