Mallorca Open. Mariya SHarapova g'alaba bilan qaytdi

Sayyoramizning 85-raketkasi Mariya SHarapova turnirdagi ishtirokini g'alaba bilan boshladi. Rossiyalik tennis malikasi musbaqaning ilk davrasida reytingning 46-pog'onasidan joy olgan Viktoriya Kuzmovaga qarshi kortga chiqdi. 

SHarapova 1 soatu 29 daqiqa davom etgan uchrashuvda raqibasini 7/6(8), 6/0 hisobida taslim etdi. Bu tennischilarning o'zaro ilk uchrashuvi edi. Masha Mallorca Open turnirining ikkinchi davrasida germaniyalik Anjelik Kerberga qarshi bahs olib boradi.

Eslatib o'tamiz, Mariya SHarapova 28 yanvardan beri ilk bor kortga chiqdi. Yana bir jihat, rossiyalik tennischi “Uimbldon-2015” turniridan keyin ilk bor maysa qoplamada g'alaga erishdi.