08 mar 15:47
Yangiliklar

Dzyudo

Marius Vizer Toshkent "Katta Dubulg'a" turniri tashkilotchiligiga yuqori baho berdi

So'nggi yillarda yurtimizda nufuzli xalqaro musobaqalarni o'tkazish orqali O'zbekistonning jahon hamjamiyatidagi mavqeini oshirishga alohida etibor qaratilmoqda.

Bu jarayonda Jismoniy tarbiya va sport vazirligi O'zbekiston Milliy olimpiya qo'mitasi hamda sport federaciyalari bilan hamkorlikda Xalqaro sport tashkilotlari bilan do'stona aloqalarni mustahkamlashga alohida etibor qaratilmoqda. Kecha yakuniga etgan dzyudo bo'yicha "Katta Dubulg'a" xalqaro turniri ham buning yorqin isbotidir.

Uch kun davomida ushbu nufuzli musobaqada dunyoning 71ta davlatidan kelgan 500 nafardan ziyod sportchilar g'oliblik uchun o'zaro bahs olib borishdi.

Xabaringiz bor, poytaxtimiz mezbonlik qilgan "Katta Dubulg'a" xalqaro turnirida Xalqaro dzyudo federaciyasi (IJF) prezidenti janob Marius Vizer ham ishtirok etdi.

Tashrif davomida janob Vizer o'zbekona mehmondo'stlik uchun minnatdorlik bildirar ekan, Toshkent "Katta Dubulg'a" xalqaro turnirining tashkiliy jihatlariga juda yuqori baho berdi.

O'z navbatida R.Ermatov Xalqaro dzyudo federaciyasiga hamkorlik uchun tashakkur izhor qilib, yurtimiz IJF bilan do'stona aloqalarning yanada mustahkamlanishiga umid bog'lashini, kelgusi yil Toshkentda bo'ladigan Jahon chempionati bahslarini ham bundanda yuqori saviyada tashkil etilishini takidladi.